મિત્રો, પાનકાર્ડને આધારકાર્ડ સાથે લિંક કરવાની તારીખ લંબાવી દીધી છે. હાલ જે 31 માર્ચ 2023 છેલ્લી તારીખ હતી તેને લંબાવીને 30 જૂન 2023 કરી દીધી છે. પરંતુ 1000₹ તો ભરવા જ પડશે.
પાનકાર્ડ-આધારકાર્ડ લિંક શા માટે ?
હાલના સમયમાં પાનકાર્ડનો ઉપયોગ ઘણા બધા કાર્યોમાં જરૂરી ડોક્યુમેન્ટ તરીકે કરવામાં આવે છે. તેથી જો પાનકાર્ડ ડીએક્ટિવ થઈ જાય તો તમારું ડોક્યુમેન્ટ માન્ય ગણાતું નથી. જો પાનકાર્ડ ડિએક્ટિવ થઈ જાય તો ઘણા બધા કામોમાં મુશ્કેલી પડી શકે છે. જેવા કે
- બેંકમાં 50 હજારથી વધુ રૂપિયા ઉપાડવા કે જમા કરાવવા હોય તો તે નહીં કરી શકો.
- સરકારી યોજનાઓનો લાભ લેવામાં પણ મુશ્કેલી આવશે.
- ટેક્સ રિટર્ન પણ ફાઇલ કરી શકશો નહીં.
- કોઈપણ પ્રકારના આર્થિક વ્યવહારો અટકી જશે.
- 5 લાખથી વધુનું સોનું ખરીદી શકાશે નહીં. મ્યુચ્યુઅલ ફંડ અથવા નાણાકીય યોજનાઓના રોકાણ કરી શકશો નહીં.
કેન્દ્ર સરકારે તારીખ લંબાવી છે તો 1000₹ નો દંડ શા માટે ?
મિત્રો, કેન્દ્ર સરકારે 31 માર્ચ 2022 સુધીમાં તમામ લોકોને પાનકાર્ડને આધારકાર્ડ સાથે લિંક કરવા જણાવ્યું હતું. જેમાં તમે ફ્રી માં પાનકાર્ડને આધારકાર્ડ સાથે લિંક કરી શકતા હતા. પરંતુ ખૂબ જ ઓછા લોકોએ પાનકાર્ડને આધારકાર્ડ સાથે લિંક કરાવ્યું.
જેથી કેન્દ્ર સરકારે પાનકાર્ડને આધાર સાથે લિંક કરવાની તારીખ 31 માર્ચ 2022 થી લંબાવીને 31 માર્ચ 2023 સુધી કરી તો દીધી પરંતુ આ પ્રક્રિયામાં દંડ વસુલવાની જાહેરાત કરી.
– જેમાં 1 એપ્રિલ 2022 થી 1 જૂન 2022 સુધી 500 રૂપિયાનો દંડ હતો.
– ત્યારબાદ 1 જુન 2022 થી 31 માર્ચ 2023 સુધી 1000 રૂપિયાનો દંડ નક્કી કર્યો.
પરંતુ હજી પણ ઘણાં લોકોએ પાનકાર્ડને આધારકાર્ડ સાથે લિંક નથી કરાવ્યું અથવા તો લિંક કરાવવાનું બાકી રહી ગયું છે જેથી કેન્દ્ર સરકારે છેલ્લી તારીખ 31 માર્ચ 2023 હતી તેને લંબાવીને 30 જૂન 2023 કરી દીધી છે. પરંતુ તમારે પાનકાર્ડને આધારકાર્ડ સાથે લિંક કરવા માટે 1000₹ નો દંડ તો ભરવો જ પડશે. હાલ દંડમાં કોઈપણ રાહત આપી નથી.
આમ 31 માર્ચ 2022 સુધી પ્રક્રિયા મફત હતી પરંતુ ત્યારબાદ તારીખ લંબાવીને પ્રથમ ત્રણ મહિના 500 રૂપિયાનો દંડ અને ત્યારબાદ 1000 રૂપિયાનો દંડ ભરવાની જાહેરાત કરાઈ. જોકે હાલ ફરી તારીખ લંબાવી છે પરંતું દંડ 1000₹ જ રખાયો છે.
લિંક નહિં કરાવો તો 10,000 ₹ સુધીનો દંડ થઈ શકે:
જો ₹1,000 નો દંડ ભરીને પાનકાર્ડને આધારકાર્ડ સાથે લિંક નહીં કરાવો તો તમારું પાનકાર્ડ ડિએક્ટિવ થઈ જશે. ત્યારબાદ તમે પાનકાર્ડનો ઉપયોગ કરી શકશો નહીં અને જો તમે પાનકાર્ડનો ક્યાંય પણ ડોક્યુમેન્ટ તરીકે ઉપયોગ કરો છો તો ભારે દંડ પણ થઈ શકે છે. આવકવેરા અધિનિયમ 1961 ની કલમ 272 B હેઠળ તમને 10,000 રૂપિયા સુધીનો દંડ થઈ શકે છે.
તમારું પાનકાર્ડ આધારકાર્ડ સાથે લિંક છે કે નહીં જાતે કઈ રીતે ચેક કરવું ?
મિત્રો તમે ઘરે બેઠા જાતે મોબાઈલમાંથી પણ પાનકાર્ડને આધારકાર્ડ સાથે લિંક કરી શકો છો. પાનકાર્ડને આધારકાર્ડ સાથે લિંક કરવાની પ્રક્રિયા ખૂબ જ સરળ છે.
- મિત્રો સૌ પ્રથમ તમારે google કે પછી કોઈપણ સર્ચ બોક્સમાં https://www.incometax.gov.in/iec/foportal/
લિંક ખોલવાની છે. જેથી નીચે ફોટોમાં દર્શાવેલ પોર્ટલ તમને જોવા મળશે.
- હવે નીચે બોક્સમાં Link aadhaar status લખેલું હશે તેના ઉપર ક્લિક કરવાનું રહેશે. ( મિત્રો ધ્યાન રાખજો તમારે link aadhaar વિકલ્પ ઉપર નહીં પરંતુ Link aadhaar status વિકલ્પ પર ક્લિક કરવાનું છે.) જેવું ક્લિક કરશો એટલે નીચે ફોટોમાં દર્શાવેલ વિન્ડો ખુલશે.
- આ વિન્ડોમાં તમારે PAN લખેલું છે ત્યાં પાનકાર્ડ નંબર નાખવાનો રહેશે અને Aadhaar Number માં 12 અંકનો આધારકાર્ડ નંબર નાખવાનો રહેશે.
- આ બંને નંબર નાખ્યા પછી નીચે View link aadhaar status પર ક્લિક કરવાનું રહેશે. જો તમારું પાનકાર્ડ આધારકાર્ડ સાથે લિંક હશે તો Your PAN number is already linked to given adhaar number લખેલું જોવા મળશે. જે નીચે ફોટોમાં તમે જોઈ શકો છો.
કેમ મિત્રો હતું ને ખુબ જ સરળ :
તો આમ મિત્રો તમે ઘરે બેઠા મોબાઈલમાંથી જાતે જ પાનકાર્ડ(pancard)ને આધારકાર્ડ (aadhaar Card) સાથે લિંક કરી શકો છો. અહિયાં બતાવેલ માત્ર ફોટો જોઇને પણ સરળ રીતે તમે સમજી લેશો.
આશા રાખું છું કે અમારી khedut duniya ની આ પોસ્ટથી તમને પાનકાર્ડ ને આધાર કાર્ડ સાથે લિંક કરતા આવડી ગયું હશે. મિત્રો આવી જ રીતે અમે khedut duniya ની વેબસાઈટમાં Digital પોસ્ટ કરતા રહેશું. તમે જાતે જ ઘણા બધા કામો ઘરે બેઠા કરતા થઇ જશો તો મિત્રો અમારી khedut duniyaની વેબસાઈટને વિઝીટ કરતા રહેજો.